في 4 خطوات تعلم تحسين محركات البحث

في 4 خطوات تعلم تحسين محركات البحث

عايز المحتوى الخاص بيك يكون في أول نتيجة من نتائج البحث على جوجل وبتدور على خطوات تساعدك في تحسين محركات البحث؟ في المقالة دي هنساعدك تعرف يعني ايه تحسين محركات البحث (SEO) ليها دور مهم في أي خطط تسويقية لانها هتساعدك انك تلاقي المحتوى الخاص بيك. كل ما ارتفع ترتيب المحتوى الخاص بيك في صفحة نتائج محرك البحث (SERP)، زاد عدد الزوار لموقعك الالكتروني.

التسويق عبر وسائل التواصل الاجتماعي من الطرق الفعالة عشان تجذب الناس لموقعك الالكتروني. ويعتمد كل ده على وجود إستراتيجية فعالة لوسائل التواصل الاجتماعي تساعدك على زيادة الوعي بعلامتك التجارية والعائد على الاستثمار. من افضل النقط في حملتك التسويقية هي ضمان أن وسائل التواصل الاجتماعي والتسويق بالمحتوى واستراتيجيات تحسين محركات البحث (SEO) الخاصة بيك بتكمل بعضها البعض. في المقالة دي، هنساعدك انك تعرف العلاقة بين تحسين محركات البحث وشبكات التواصل الاجتماعي، وهنوضح لك 4 خطوات تساعدك في تحسين محركات البحث.

كيفية عمل تحسين محركات البحث؟

ازاي جوجل بيحدد الصفحات اللي هيتم عرضها في صفحة نتائج محرك البحث (SERP) لأي بحث معين؟ ازاي بيترجم ده الى زيارات لموقعك الالكتروني؟ هنوضح كيفية عمل تحسين محركات البحث.

يستخدم جوجل معادلة معقدة تسمى ( خوارزمية) لترتيب النتائج بناءً على عدد من المعايير وهي عوامل الترتيب وجودة المحتوى وعلاقته بنتائج البحث والموقع الإلكتروني (المجال) وأنه ينتمي إليه.

كمان بيهتم جوجل بكيفية تفاعل الأشخاص مع موقعك الالكتروني، وبيتم أخذها في الاعتبار في خوارزميات جوجل.

ليه تحسين محركات البحث مهم للبيزنس الخاص بيك؟

عدد الزيارات المجانية ( الطبيعية الغير مدفوعة ):

التحدي الكبير اللي بتواجهه وسائل التواصل الاجتماعي هو تحويل المتابعين إلى عملاء. وبيكون صعب انك تنقل الأشخاص من منصات التواصل الاجتماعي زي فيس بوك، انستجرام، تويتر وغيرها لموقعك الالكتروني. وهنا يجي دور تحسين محركات البحث وهو مصدر حيوي لزيادة عدد الزيارات المجانية عشان تحافظ على ارتفاع أرقام موقعك الإلكتروني.

طول التأثير:

ايه المدة اللي بيحتاجها بوست او منشور جديد على انستجرام عشان يحقق عدد من الإعجابات والتعليقات؟ في الأغلب تأثير معظم المنشورات الاجتماعية بيبلغ ذروته في الـ 24 ساعة الأولى. ولكن لما تعمل محتوى محسن للبحث، بيكون له عمر افتراضي أطول بكتير.

نية البحث:

بيحصل اكتشاف لمنتجات وخدمات على وسائل التواصل الاجتماعي بشكل أساسي من خلال الإعلانات والخوارزميات. لكن هي عملية غامضة ترجع الى تفضيلات الناس على السوشيال ميديا. لكن البحث بيكون مختلف على جوجل لما يزور حد موقعك من صفحة نتائج البحث.

البيانات والتعليقات:

ممكن يكون من الصعب انك تلاقى الأفكار اللي بتحتاجها من تحليل وسائل التواصل الاجتماعي. وحتى لو تتبعت النقرات من ملفاتك الشخصية " البروفايل" على الشبكات الاجتماعية إلى موقعك الإلكتروني، مش هتكون عارف ايه هي نية المستخدم.

ازاي تكون في الترتيب في نتائج البحث

في 4 خطوات يجب اتباعها:

1. تحسين السيو التقني Technical SEO optimization
2. تحسين المحتوى Content optimization
3. تهيئة وتحسين الصفحة Page optimization
4. بناء الروابط الداخلية Link building

1- تحسين محركات البحث الخاصة بيك

سرعة التحميل:

أكدت جوجل أنها تستخدم سرعة التحميل كعامل في تصنيف المواقع الإلكترونية.

اهم عامل من العوامل اللي تساعدك في ترتيب موقعك الالكتروني في صفحات جوجل الأولى هو عامل السرعة.

سرعة الموقع و الوقت اللي بيحتاجه لتحميل البيانات الداخلية بتأثر بشكل كبير جدا على سلوك الجمهور، لأنه لو جمهورك دخل على الموقع و استنى اكتر من 10 ثواني لتحميل الموقع هيخرج و هيدور على منافس تاني للخدمة اللي بتقدمها.

هنوضح بعض النقط الرئيسية اللي لازم تخلي بالك منها:

مدى سرعة تحميل الصفحات؟ هو في بعض الصفحات أبطأ من غيرها؟ أسهل طريقة عشان تحقق من ده هي زيارة موقعك الالكتروني في علامة تبويب التصفح المتخفي.

لو تم إنشاء موقع إلكتروني خاص بيك باستخدام WordPress، يبقى ممكن تستخدم مكون إضافي للتخزين المؤقت زي W3 Total Cache. وده بيهتم بإعدادات التخزين المؤقت ويضغط الملفات عشان يتم تحميل صفحتك بشكل أسرع.

استخدم أداة زي GTmetrix لو عملت أي تغييرات لتحسين سرعة التحميل. فهو مش بيختبر سرعات تحميل صفحتك بس؛ لكن كمان اختبار التغييرات في الوقت الفعلي عشان تعرف لو كانت بتحقق فرق ولا لأ؟

لو مش متأكد تبدأ منين، ممكن تستخدم PageSpeed ​​Insights من جوجل عشان توصل بعض التوصيات. خلي بالك، على الرغم من كده يعتبر جوجل من المصنفين الصعبين ومفيش غير عدد قليل جدًا من المواقع الالكترونية على درجة عالية منها. حاول تنفذ التغييرات اللي بيقترحوها ولكن متقلقش لو كنت لسه غير قادر انك تحصل على درجة مثالية.

محتوى مكرر:

بمجرد ما تكون راضي عن سرعة الصفحة، لازم تتحقق لو كان موقعك الالكتروني يحتوي على أي محتوى مكرر. ده معناه ان:

مفيش صفحات ليها نفس المحتوى أو محتوى مشابه جدًا للصفحات الأخرى.

لو رجعنا للايام الأولى على الإنترنت، كان ممكن تعزز من ترتيب بحثك على جوجل عن طريق إنشاء كتير من صفحات المواقع الالكترونية اللي ليها محتوى متشابه جدًا. كمان غير في العنوان شوية، وأدخل كتير من الكلمات الرئيسية، وبتقدر تلفت انتباه جوجل.

من الافضل انك تمسح أي نسخ مكررة واضحة والتركيز على إنتاج محتوى جودته عاليه ومختلف.

2- تحسين المحتوى الخاص بيك

في 3 عناصر لإنشاء محتوى تحسين محركات البحث، أنت محتاج انك تعمل محتوى عالي الجودة وكلمات رئيسية صحيحة وصفحة واضحة.

هنبدأ بالبحث عن الكلمات الرئيسية. ازاى تقرر المواضيع اللي محتاج تتكلم عنها؟

البحث عن الكلمة الرئيسية المفتاحية

في كتير من أدوات الكلمات الرئيسية المتاحة، مع كل من الخيارات المجانية والمدفوعة. جوجل عندها بعض الأدوات كمان. وفي مواقع تقدر تساعدك زي Ubersuggest ، واللي ممكن أنه يساعدك على تحسين البحث عشان تلاقى كلمات رئيسية محددة.

Ahrefs و Semrush من الادوات اللي هتساعدك على نطاق واسع. بالإضافة انك هتقدر تلاقي الكلمات الرئيسية، وكمان هتلاقى عرض الكلمات الرئيسية اللي ليها علاقة وكمان هتقدر تعرف ايه المصطلحات اللي منافسينك بيستخدموها وترتيبها. يُطلق على الإصدار المجاني من Ahrefs اسم أدوات مشرفي المواقع ، ويتضمن تدقيق سريع، ونظرة عامة على الباك لينكات الخاصة بيك، والكلمات الرئيسية اللي هتبتدي تشتغل عليها.

لما تدور عن الكلمات الرئيسية، اسأل نفسك:

ايه اللي بيدور عنه عملائك المستهدفين؟ خليك فاكر انك عايز توصل للناس دي بالتحديد، مش أي شخص على الإنترنت.

ايه هو حجم البحث النسبي لكل كلمة رئيسية؟ بمعنى تاني، كام عدد الأشخاص اللي بيستخدموا كل كلمة رئيسية؟

الكلمة الرئيسية دي ليها علاقة بمتجر التجارة الإلكترونية الخاص بيك، وبتحقق أحجام بحث عالية، مرتبطة بقصد الشراء؟

لما تلاقي كلمة رئيسية شائعة وليها علاقة، اكتبها في جوجل وشوف أنواع الصفحات اللي بيتم تصنيفها للكلمة الرئيسية. دي بتمنح لك فكرة عن المحتوى اللي عايز تعمله. على سبيل المثال، لو بحثت كلمة رئيسية وكانت معظم النتائج عبارة عن مقاطع فيديو، فأنت بحاجة إلى إنشاء محتوى فيديو.

محاولة تصنيف الكلمات الرئيسية أمر صعب. خصوصا لو عندك منافسين كويسين جدًا، هيفضل الموضوع صعب دايما. ولكن ممكن أنك توفر على نفسك المتاعب من خلال عدم متابعة الكلمات الرئيسية الأكثر صعوبة وتنافسية. بدل من كده، ركز على العبارات الطويلة ( فكر في عمليات البحث عن جمل كاملة، بدل من الكلمات الفردية ) والكلمات الرئيسية المتخصصة. كل ما كانت الكلمة الرئيسية محددة، قلت المنافسة.

إنشاء محتوى

بمجرد ما يكون عندك قائمة بالكلمات الرئيسية والعبارات، ممكن تبدأ في إنشاء المحتوى. أنشئ محتوى مختلف لصفحات مختلفة.بالتأكيد مش عايز تقلل نتيجة ظهورك في محركات البحث أو لعملائك.

لازم يحتوى كل جزء من المقالة على هدف البحث الخاص بكلماته الرئيسية. على سبيل المثال، لو العميل الخاص بيك بيبحث عن "كيفية العناية بالأحذية المصنوعة من الجلد المدبوغ" ، يبقى لازم تشرح بالظبط طريقة العناية بالأحذية المصنوعة من الجلد المدبوغ. لو مجاوبتش على سؤالهم أو تحل مشكلتهم، هيفضلوا يدوروا في مواقع الكترونية تانية وهيتراجع ترتيبك.

اتأكد من الاجابة على سؤال العميل في أول مقطع من المقالة. مفيش مشكلة ان يلاقى حد إجابة لسؤاله وبعدين يمشي بسرعة ؛ مش هيضر بترتيبك. ولكن لو حس بالملل أو الضياع أو نفاد صبرهم، هيخرجوا لمواقع منافسينك وهيتأثر ترتيبك.

هيكل الصفحة

لو كنت عايز أنك تحتل المرتبة الأولى على جوجل، فأنت محتاج إلى التفكير في بنية الصفحة وكمان المحتوى.

وده معناه تقسيم الصفحة إلى عناوين رئيسية وعناوين فرعية. قسّم الفقرات الطويلة للنص إلى فقرات أقصر لسهولة القراءة. ضيف صور أو مقاطع فيديو أو رسوم بيانية عشان تكون جذابة اكتر. كل ده هيشجع الزوار على البقاء في الصفحة وإرسال إشارات مفيدة إلى خوارزميات محرك البحث.

3- تحسين الصفحة

لما بيحصل تحسين الصفحة، وقتها بنركز على حاجة اسمها البيانات الوصفية.

تخيل انك في زيارة معرض فني. هتشوف الصورة متعلقة على الحيطة: هو ده المحتوى الرئيسي لصفحتك. وهتشوف كمان لافتة صغيرة بتقولك عنوان العمل والفنان والمواد والتاريخ وغيرها.

البيانات الوصفية: هي المعلومات المتعلقة بصفحتك ومحتواها.

هي دي المعلومات اللي بيستخدمها جوجل لفهم المحتوى الخاص بيك وعرضه في نتائج البحث. في عنصرين رئيسين: علامات العنوان وأوصاف التعريف. ومحتاج كمان معرفة المقتطفات المنسقة والمقتطفات المميزة.

علامات العنوان

علامة العنوان هي "الاسم" الرسمي لصفحة موقعك الإلكتروني. كمان أن يكون هو نفسه العنوان اللي بتكتبه على المحتوى الخاص بيك ولكنه ممكن يكون مختلف.

عشان تحقق تحسين محركات البحث وتصنيفات البحث الخاصة بيك، تأكد من أن الكلمة الرئيسية أو العبارة الكاملة موجودة في بداية علامة العنوان. حاول أنك متستخدمش أكتر من كلمتين رئيسيتين كحد أقصى في علامة العنوان عشان ميبانش انه غير مرغوب فيها.

لازم علامة العنوان الخاصة بيك تكون جذابة للأشخاص للنقر عليها لما يشوفوها في نتائج البحث. ده معناه انه بالنسبة للمحتوى، لازم انه يكون جذاب؛ لصفحات منتجات التجارة الإلكترونية، ولازم تكون محددة ومفصلة.

على سبيل المثال، في الغالب تحتوي صفحات المحتوى على علامة عنوان تبدأ بكلمة رئيسية، وتتبعها بنقطتين، وبعدها عبارة مقنعة تشجع الناس انهم ينقروا. زي مثلا (اشترك الأن!) عادةً تحتوي صفحة المنتج الخاصة بإحدى العلامات التجارية للأزياء على علامة عنوان توضح نوع المنتج واسم العلامة التجارية وممكن كمان كلمة رئيسية تانية.

أوصاف ميتا

الوصف التعريفي هو فقرة قصيرة من النص بتظهر تحت علامة العنوان في نتائج البحث.

مش بتأثر الأوصاف التعريفية بشكل مباشر على ترتيبك. لكن ليها تأثير كبير على نسب النقر إلى الظهور لأنها فرصتك لإقناع المستخدمين بالنقر.

ممكن تستثمر بعض الوقت والجهد في كتابة أوصاف التعريف الخاصة بيك. الافضل انه يكون شكلها له قيمة وجذابة وله علاقة بعلامة العنوان.

قصاصات غنية

المقتطفات المنسقة مش بيانات وصفية بالظبط، ولكنها جزء من نتائج البحث عشان كده هي تستحق التفكير لو كنت عايز انك تحتل المرتبة الأولى على جوجل.

المقتطف المنسق هو جزء إضافي من المحتوى مأخوذ من صفحتك ويتم عرضه في نتائج البحث لراحة المستخدمين. على سبيل المثال، قد تأخذ جوجل بعض التفاصيل أو الصور من صفحة منتج وتقوم بإدراجها مباشرة في نتائج البحث.

مش هتقدر تتحكم في كيفية إنشاء جوجل للمقتطفات المنسقة. ولكن يمكنك استخدام مكون إضافي زي Yoast SEO. تحقق الأداة دي من أن المحتوى الخاص بيك منظم ومميز ومليان بالكلمات الرئيسية الصحيحة لجذب انتباه الخوارزمية. حتى لو كانت المواقع التانية في مرتبة أعلى منك.

مقتطف مميز

المقتطف المميز هو المستوى اللى بعد المقتطف المنسق. بدل من عرض معلومات إضافية بين نتائج البحث، ممكن يعرضها جوجل فوق كل النتائج حتي لا يحتاج المستخدمين للنقر فوق المواقع الإلكترونية على الإطلاق.

ده مهم بشكل خاص لصفحات المحتوى. وكمان مش بتقدر تتحكم في الخوارزمية. المحاولة في الحصول على مقتطف مميز هي فن أكثر من كونها علم.

وبرغم كده، في نوعين من التكتيكات اللي ممكن تجربها. لو عايز تختار جزء من المحتوى لمقتطف مميز.

اكتب الأسئلة الرئيسية كعناوين فرعية، وبعدين جاوب عن الاسئلة في فقرات قصيرة.

استخدم القوائم النقطية لجعل المعلومات موجزة قدر الإمكان.

اجعل الإجابات مختصرة وبسيطة.

احفظ أي تفاصيل دقيقة أو معقدة لمزيد من التفاصيل أسفل الصفحة.

تنجح التكتيكات دي أحيانًا ولكن مفيش ضمانات لكده!

4- بناء الرابط

الخطوة الأخيرة في إستراتيجية تحسين محركات البحث (SEO) الخاصة بيك هي بناء الروابط.

الباك لينكات أو عدد الصفحات من المواقع الالكترونية الأخرى ترتبط بموقعك، وهي من أهم 3 عوامل يستخدمها جوجل لتحديد تصنيفات البحث. لو عايز توصل لكتير من الباك لينكات من مواقع خارجية حسنة السمعة. أي روابط تنشئها داخل موقعك أو تؤدي إلى مواقع الكترونية تانية مش هتعمل فرق كبير.

في طريقتين ممكن تساعدك الباك لينكات فيهم: الترتيب العام لموقعك الالكتروني وترتيبك لصفحات معينة.

على سبيل المثال، عادةً ما تحتوي صفحات المنتجات الفردية على Amazon على عدد قليل جدًا من الباك لينكات. ولكن بالرغم من وجود كتير من الروابط لموقعك الالكتروني بشكل عام، فهو بيتمتع بسلطة عالية جدًا في تصنيفات تحسين محركات البحث.

وفي الطرف التاني من النطاق، ممكن يكون موقعك الإلكتروني معروف جدا لحد دلوقتي. ولكن مش عارف تحصل على مرتبة عالية في نتائج البحث الا لو كان بإمكانك الحصول على باك لينكات كافية لصفحات معينة.

بعض الطرق للحصول على باك لينكات:

تواصل مع اصحاب المواقع الالكترونية اللي ليهم علاقة بعرضك وجمهورك. ممكن مراجعة أو ذكر عملك في منشور داخل مواقعهم الالكترونية.

قبل كده كان في إساءة استخدام الباك لينكات كاستراتيجية في الماضي. كان ممكن تدخل في طريق إنشاء محتوى غير مفيد و الجودة سيئة ، أو نشر لينكات في التعليقات على المقالات، أو العمل مع المواقع الالكترونية اللي مالهاش علاقة بمجالك.

بدل كده، لما تقوم باستخدامها بشكل صحيح، ممكن أن يكون الباك لينك تقني وفعال. حاول بناء علاقات مع الكتاب والمواقع اللي ليها سمعة طيبة. وكمان تقدر تدعمهم بأفكار وفرص محتوى قيّمة. الأسلوب ده ممكن يكون أقل قابلية للتوسع ولكن هيكون له تأثير أكبر بمرور الوقت.

ده غير انك تقدر تعمل اعلان ممول على جوجل كمان وده كمان بيساعدك انك تظهر لعملائك أسرع في نتائج البحث الأولى.

أدوات تحسين محركات البحث

عشان تعمل تحسين محركات البحث بطريقة فعالة لمحرك البحث من غير بيانات، وعشان توصل للبيانات، فأنت محتاج إلى أدوات. لحسن الحظ ، معظمهم مجاني.

أفضل أدوات تحسين محركات البحث (SEO) للحصول على إستراتيجية مُثلى لتحسين محركات البحث هي:

Google Analytics: المعيار الذهبي لتحليلات عدد الزيارات لموقعك الالكتروني، وهو مجاني. استخدمه لأي وجميع مقاييس تحسين محركات البحث (SEO) لقياس أدائك ، زي عدد الزيارات لموقعك الالكتروني والوقت على الصفحة والمشاركة مع الصفحة وعدد الصفحات وغيرها.

Google Search Console: مهم جدا لتحسين محركات البحث التقنية اللي بتركز على المحتوى. على الرغم من ظهور بعض بيانات Search Console في Google Analytics ، في كتير من اللي بتحصل عليه في النظام الأساسي من تلقاء نفسه. استخدمه لـ Core Web Vitals ، وتحليلات الاستعلام الدقيقة ، والفهرسة ، والمزيد.

أدوات البحث عن الكلمات الرئيسية: هتحتاج الأدوات دي عشان تقدر تلاقى كلمات رئيسية واقعية بالنسبة لك لاستهدافها من حيث حجم البحث والمنافسة. استخدم keyword tool.io كأفضل اداه من أدوات البحث عن الكلمات الرئيسية المدفوعة والمجانية.

برنامج تحسين محركات البحث (SEO): لو هتركز على المقاييس الأعمق زي الباك لينكات والمعلومات التنافسية وبيانات الكلمات الرئيسية المتقدمة، هتحتاج إلى أداة تحسين محركات البحث مدفوعة زي Ahrefs و Moz Pro و Screaming Frog و SEMrush .

مصنّفين المواقع الالكترونية: في حين أن الأدوات المذكورة دي غالبًا ممكن تكون معقدة وتتطلب منك معرفة كيفية فهم البيانات ، لكن ممكن لمصنفي المواقع الالكترونية تبسيط تحسين محركات البحث لك ويقدموا لك كتير من الإرشادات.

هل جوجل من المنصات الاجتماعية؟

المنصات الاجتماعية زي فيس بوك، تويتر، انستجرام وغيرها من المنصات اللي بتتميز بالإشارات الاجتماعية وهي عبارة عن إجراءات زي الإعجابات والمشاركات على وسائل التواصل الاجتماعي. عشان كده، لو كان المحتوى الخاص بيك بيولد كتير من الإشارات الاجتماعية ، يبقي معناه انه هيؤدي لتحسين ترتيبه على جوجل؟ جوجل على مر السنين كانت بتبين إشارات متضاربة في الموضوع ده.

في سنة 2010، اعتبر محرك البحث العملاق جوجل ان الإشارات الاجتماعية كعامل تصنيف، مع التركيز على الجودة اكتر من الكمية. وده معناه ان جوجل تبحث في سمعة المؤلف أو المنشئ على مواقع التواصل الاجتماعي لتحديد الترتيب.

وكمان، في سنة 2014، قررت جوجل عدم تصنيف الإشارات الاجتماعية أو بمعنى تاني، مش هينفع استخدام الإعجابات أو المشاركات لتعزيز تصنيفاتك من منظور تحسين محركات البحث. وده مش معناه أنك تتخلي عن استراتيجية وسائل التواصل الاجتماعي الخاصة بيك لأنها جزء مهم من أي حملة تسويق رقمية.

في النهاية ، انك توصل لتصنيف كويس لمحرك البحث من خلال الحصول على باك لينكات عالية الجودة من مصادر موثوقة. ممكن أنها تساعد المشاركات على الشبكات الاجتماعية كمان في مشاهدة المحتوى الخاص بيك من جمهور جديد.

5 نصائح لتحسين محركات البحث الخاصة بيك لوسائل التواصل الاجتماعي

ممكن تؤثر على مُحسنات محركات البحث بالطرق دي:

1. العمل على ملف التعريف الخاص بيك

خليك فاكر ان ملفك الشخصي على وسائل التواصل الاجتماعي هو من الحاجات الأولى اللي بيشوفها العميل المحتمل عشان كده خصص وقت لتصميم ملف شخصي جذاب ويعكس نشاطك التجاري.

حدد أكبر قدر ممكن من التفاصيل عشان تبين صورة كويسة عن عملك

استخدم الكلمات الرئيسية اللي ليها علاقة بعلامتك التجارية و الكلمات أو المصطلحات اللي بيتم البحث عنها

احصل على باك لينكات لمحتوى موقعك لجذب عدد من الزيارات للزوار.

بالنسبة لل B2B ، تعتبر لينكدان شبكة وسائط اجتماعية قوية جدا ، عشان كده لازم تحقق من كيفية الاستفادة من قوتها. أو لو كنت تستخدم حساب شخصي، في بعض الطرق عشان تحسن من الملف التعريفي الخاص بيك.

2. تمتع بمحتوى عالي الجودة وقابل للمشاركة في قنواتك الاجتماعية

كتير من المنصات والحسابات للعملاء للاختيار من بينها، عشان كده تحتاج إلى تحقيق أقصى استفادة من المحتوى الخاص بيك للجذب والمشاركة.

استخدم مجموعة متنوعة من أنواع المحتوى زي مقاطع الفيديو والشهادات وغيرها عشان تعرف فكرة عن اللي يناسب جمهورك.

استخدم كمان صور كويسة مرتبطة بعلامتك التجارية عشان يتعرف عليها الأشخاص على أنها علامتك التجارية لما يشوفوها. وبالتالي هيؤدي إلى زيادة الوعي بالعلامة التجارية والاعتراف بيها.

3. تشجيع الباك لينكات من خلال المحتوى الجيد

الناس بيحبوا يشوفوا المحتوى يكون كويس ومفيد، عشان كده من الأفضل إعطاء الأولوية لجودة المحتوى اكتر من عدد كلماته لو كانت الموارد أو الوقت بيمثلوا مشكلة.

4. اهتم بأراء عملائك عشان تعرف ايه اللي بيحصل مع منافسينك

الاستماع الاجتماعي هو أسلوب فعال، وفي عدد قليل من الأدوات المجانية الرائعة اللي تقدر تستخدمها. هتساعدك على مراقبة المحادثات عشان تعرف ايه اللي بيقوله جمهورك عنك وكمان تتبع منافسيك.

5. ركز مع المؤثرين وفكر في استخدامهم

المؤثرين " الانفلونسرز" ليهم تأثير على وسائل التواصل الاجتماعي. هتحتاج انك تبص على إحصائيات المؤثر لمعرفة مقدارها.

مهم انك تكون عارف المؤثرين في قطاعك أو المنطقة اللي بيسمع ليهم جمهورك، لانه هيكون مفيد التفكير في استخدامهم في وسائل التواصل الاجتماعي الخاصة بيك.

ملخص

لو عايز صفحتك او موقعك الالكتروني يظهر في نتائج البحث الاولى على جوجل وبتدور كتير ايه الخطوات اللي محتاجها عشان جمهورك المستهدف يقدر يوصلك، في المقالة دي وضحنا 4 خطوات هتساعدك في تحسين محركات البحث.

من ضمنها ازاي تنشئ محتوى جذاب على موقعك الالكتروني وازاي تبني باك لينكات وتستخدم الكلمات المفتاحية اللي بيدور بيها جمهورك المستهدف.

ولأن جوجل هو أول منصة بيدور فيها الناس عن كل الأسئلة اللي في بالهم وكمان عن أي منتج أو خدمة عايزين يعرفوا عنها بالتفصيل. عشان كده مهم انك تكون موجود في نتائج البحث لما جمهورك المستهدف يدورعن منتجاتك أو خدماتك.

طبعا في فرق كبير من جوجل والاعلانات على السوشيال ميديا اللي بتوصلك لجمهورك المستهدف بطرق مختلفة

لو حابب تعرف أكتر عن التسويق الإلكتروني تابع كل مقالاتنا فى ماركتنج بالعربي وغيرها من المواضيع اللي هتساعدك تنقل البيزنس الخاص بيك لمرحلة تانية أعلى بكتير.

ولو حابب تكون متابع كل التحديثات اللي بتحصل في عالم السوشيال ميديا كل لحظة يبقى ببساطة تابع مقالاتنا كل يوم وأقرأ المقالات الموجودة على موقعنا. وبنشجعك لو عندك أى استفسار ممكن تكتبلنا كومنت وهنتواصل معاك فورا.